هو ايه الخدمات المالية الجديدة اللي هيقدمها تطبيق انستاباي التحويلات اللحظية وازاي نستخدمها وايه أهميتها وهل تم تغيير الحدود القصوى للتحويلات المالية اللحظية تعالوا نشوف البنك المركزي عمل ايه
 
زي ما احنا عارفين البنك المركزي المصري أطلق إتطبيق انستاباي لإتاحة عمليات التحويل بين البنوك ومحافظ الكاش لحظيا على مدار 24 ساعة وفي امان تام والحقيقة التطبيق فرق كتير جدا مع الناس وبقي كل مواطن معاه موبايل وخط تليفون معاه بنك في جيبه بينفذ اي معاملات مالية من تحويلات أو سداد فواتير واشتراكات من غير ما يروح البنك .
وبنفكركم إن الحدود القصوى للمعاملات على تطبيقات شبكة المدفوعات اللحظية انستاباي هو 70 ألف جنيه للمرة الواحدة، و120 ألف جنيه حدا أقصى لإجمالي المعاملات اليومية، و400 ألف جنيه حدا أقصى للمعاملات الشهرية.

طيب ايه الجديد في التطبيق المالي السحري ده.. شوف حضرتك  تطبيق إنستاباي عمل  تحديث على بعض الخدمات، منها مثلا إنه أتاح إمكانية تحويل الأموال لحظيًا بين المستخدمين من خلال رمز الاستجابة السريع «QR Code» ورابط الدفع «Payment Link ودي ببساطة خطوة هتختصر كتير قي عمليات التحويلات المالية.
والخاصية الجديدة هتمكن الشخص اللي هيستقبل التحويل (المستفيد) من مشاركة رمز الاستجابة السريع «QR Code» للطرف الآخر الراغب في تحويل الفلوس من غير تبادل بيانات التحويل زي عنوان الدفع الخاص به يدويا لتسهيل عملية التحويل حيث تتم قراءة رمز الاستجابة السريع «QR Code» من خلال الكاميرا كما هو متعارف عليه، مما يسهل عملية التحويل ويقلل من أخطاء إدخال البيانات وإرسال الفلوس بالغلط ودي ميزة مهمة جدا.
لكن عشان نبقي عارفينآلية عمل رمز الاستجابة السريع «QR Code» بتشترط تواجد المرسل والمستفيد في نفس المكان، لأن التطبيق قام باستحداث آلية مشاركة رابط دفع «Payment Link» مع الطرف الراغب في التحويل كبديل عن مشاركة عنوان الدفع أو القيام بإدخال بيانات التحويل بصورة يدوية، حيث يقوم تطبيق إنستاباي عند الضغط على رابط الدفع بتسجيل بيانات المستفيد آليًا وده من خلال الرابط وتنفيذ عملية التحويل مباشرة بدون الحاجة لإدخال البيانات يدويا.

طبعا هدف التحديثات الجديدة هو استحداث آليات وطرق أكتر تطورًا وسرعة لتبادل بيانات الدفع كبديل عن التبادل اليدوي بهدف زيادة سرعة إنجاز المعاملات وزيادة معدلات الأمان وتقليل الأخطاء عند كتابة بيانات التحويل.



رابط المصدر

شاركها.