مفيش حاجة دلوقتي أصعب إن النور يقطع عليك ساعتين أو تلاتة في عز الحر ده ولو عندك كبير في السن ولا أطفال هتبقي مشكلة كبيرة.. رغم أزمة ارتفاع أسعار الوقود اللي بيشغل محطات الكهربا لكن فيه حلول مقترحة لإنهاء الأزمة .. لو عاوز تعرف اقرأ هذا التقرير.
 

زمان قالوا إن الحاجة أم الاختراع وده لأن المصري مابيغلبش وبيحاول يشوف دايما افكار وحلول بديلة للازمات اليومية اللي بتواجهه وأخرها أزمة انقطاع الكهربا أو اللي بتسميها الحكومة تخفيف الأحمال لظروف اقتصادية معينة..
ومن بين الحلول لأزمة انقطاع الكهربا الاستعانة بوسائل توليد للتيار الكهربايئ زي المولدات ودي طريقة تقلييدة ومش مجدية لأنه مش هينفع تجيب مولد كهربا وتحطع في الشقة وتشغلها لأن صوته مخيف ومزعج وعشان كده المصريين شافوا حلول تانية وكانت الأنسب في تركيب محطات طاقة شمسية على اسطح العمارات والتجربة نجحت في أماكن كتير وقدرت توفر الكهربا في أوقات الانقطاع.

طيب ليه الحكومة مش بتتوسع في انتاج الطاقة الشمسية طالما عندها أزمة وقود لتشغيل المحطات التقليدية؟
شوف أكيد حضرتك عارف إن مصر عندها محطات طاقة شمسية الأكبر في العالم في أسوان وكمان عندها محطات طاقة رياح لكن مش بالشكل اللي يخليها تكفي الاستهلاك الكبير واللي بيضاعف حوالي 5 مرات في الصيف الشديد ده وارتفاع درجات الحرارة لمستويات قياسية بسبب التغير المناخي.
طيب ايه الجديد والبديل اللي بنقول عليه.؟
لو متعرفش شعبة الطاقة المستدامة بالغرفة التجارية بالقاهرة وجمعية تنمية استخدام الطاقة المستدامة “سيدا” اتقدموا بمجموعة من المقترحات لوزارة الكهرباء والطاقة المتجددة في مصر وده لزيادة مساهمة الطاقة الشمسية في مزيج الطاقة الكلية في مصر.

وكان من بين المقترحات إعفاء مكونات الطاقة الشمسية وعقود المقاولات الخاصة بها من الجمارك وضريبة القيمة المضافةً وكمان إقرار حوافز للعميل النهائي وليس لشركات الطاقة الشمسية ومنها تخفيض أو إعفاء مؤقت من الضرايب على العقارات التي تقام عليها محطات للطاقة الشمسية… يعني ايه الكلام ده.. يعني حضرتك باختصار لو الحكومة أعفت مكونات محطات الطاقة الشمسية للمنازل أو المصانع من الجمارك سعرها هيرخص جدا وهتشجع الناس تركبها ويبقي حلت أزمة الساعتين اللي الكهربا بتقعهم وفي نفس الوقت ريحت الناس من ازمات انقطاع الكهربا وكمان تقديم حوافز للبيت أو العمارة اللي هتركب خلايا شمسية هيساعد في انتشار الفكرة.
طيب ماهي الحكومة هتضر كده على المستوي البعيد.. ده كلام مش حقيقي لان خلايا المحطات الشميسة المنزلية دي مؤقتة وعشان تحل أزمة الأوقات اللي بتقطع فيها الكهربا وكمان تقدر الحكومة بعدين تاخد من أصحابها رسوم لو استغنوا عن كهربة الدولة يعني الحكومة في الاخر مش هتغلب بس هتكون حلت مشكلة كبيرة.



رابط المصدر

شاركها.