على عكس المتوقع الدهب بدل ما يستقر بعد قرار التعويم رجع يزيد تاني ووصلت الزيادة في سعر الدهب عيار 21 إلى 410 جنيهات منذ بدء تحرير سعر الصرف لغاية نهاية تعاملات الخميس، وسجل 3340 جنيهًا للجرام، وذلك وسط ارتفاعًا عالميًا ليتخطى 2،151 دولارا للأوقية.
طبعا زي ماقلنا هنا في بانكير إن كل الأسواق هتاخد وقتها لغاية ما تستقر بعد القرارات المفاجئة للبنك المركزي في صباح الاربع اللي فات من تعويم الجنيه ورفع سعر الفائدةـ، وطبعا الدهب زيه زي أي سوق هيمر بايام اضطراب وبعدين ياخد مساره الطبيعي على حسب السوق والعوامل اللي بتأثر فيه بشكل طبيعي زي السعر العالمي وزيادة الطلب على الشراء وحجم المعروض بعيد عن المضاربات وحجب الدهب واللاعيب الصاغة.
واللي حصل اليومين اللي عدوا وسببوا ارتفاع اسعار الدهب في مصر هو زيادة الاقبال على الدهب بعد القرارات الأخيرة وكمان ارتفاع الاسعار العالمية، وعامة خلاص مش هيكون فيه اي مفاجآت في اسعار الدهب بعد كده نتيجة التلاعب لكن هيبقي سوق حر وبيحكمه العرض والطلب وحالة البيع والشرا.
