موبايلات أوبو هتبقى صناعة محلية خلاص، وده بعد قرار شركة “أوبو” أنها هتعمل أول جهاز موبايل محلي مصنوع في مصر.
الموبايل ده هيكون نسخة Oppo Reno 12 5G، والخبر ده طبعا هيفرح ناس كتير من اللي جربوا موبايلات أوبو وحبوا التعامل معها ومع إمكانياتها.
كلام شركة أوبو ده جيه بعد اشاعات كتير اتقالت أن خلاص أوبو هتسيب السوق المحلي كله، دي خلاص هتقفل، فالشركة حبيت تأكد وجودها في السوق بأول تليفون ليها صناعة مصرية هينزل قريب جدا.
وكمان أوبو قالت إن اللي جاي كله مختلف والتليفون الجديد هيكون معه سماعات “Oppo Enco Buds2 Pro” وهتاخدها مجانا، ده غير ضمان شاشة VIP مدته 6 شهور.
قولنا بقى رأيكم ايه ناويين تجربوا تشتروا الموبايل ده ولا لا..
مستنين رأيكم في الكومنتات وتوقعاتكم سعره ممكن يوصل كام..