في ناس كتير بتدور كل يوم على أسعار السيارات الجديدة والمستعملة، لأن العربية خصوصية وأمان وتغنيك من عذاب المواصلات كل يوم.
عشان كده، شركات كتير بتجمع العربيات الجديدة داخل مصر، وبتعرضها للبيع وكب واحد يشتري اللي يناسبه، وفقا للسيولة المتوفرة عنده، والمميزات اللي بتتمتع بها العربية اللي ناوي يشتريها، وكل ده بجانب توفر قطع الغيار لها بسهولة.
وفي الوقت ده، هنقولك أسعار السيارات المجمعة محليا داخل مصر، واللي أولها عربيات نيسان صني موديل 2025 ، واللي سجل سعر ال «مانيوال- بيز لاين» حوالي 695 ألفا و400 جنيه، أما سعر نيسان صني 2025 «أتوماتيك – بيز لاين» فوصل ل 735 ألف جنيه، والأسعار دي معلنة م الوكلاء
كمان، عربيات بي واي دي F3 موديل 2025 ، اللي بتيجي الفئة المزودة بناقل حركة يدوي منها، بسعر 620 ألف جنيه، أما الفئة الأوتوماتيك فسعرها 700 ألف جنيه.
نيجي لسيارات شيري أريزو 5 موديل 2025 ، «مانيوال – بيز لاين – فرش جلد»، واللي بتيجي بمحرك 1500 سي سي، وبسعر 655 الف جنيه.
وشيري تيجو 3 اللي بمحرك 1600 سي سي ، فسجل سعر الفئة الأوتوماتيك نحو 830 ألف جنيه.
وقبل ما تشتري العربية، لازم تحدد ميزانيتك قبل ما تشتري العربية، وأهم حاجة إن قسطها أو المصاريف اللي هتصرفها ماتتخطاش 20% من دخلك الشهري، زي مثلا قسط القرض وتكاليف الصيانة والتأمين.
كمان، لازم تعمل بحث ومقارنة، فدور كويس عن النماذج المفضلة لديك وقارن بين العروض المتاحة، ودور على الإنترنت عن التقييمات والاستعراضات، واتحقق كويس من الأسعار والميزات.
وقبل ما تزور الوكيل، اتحقق كويس من الخيارات المالية المتاحة عندك، وظبط أوضاعك على القرض اللي هتاخده، ده في حالة إنك هتجيبها قسط.
بعد كده، قرر هتركب العربية ولا هتأجرها، وقارن بين الفوائد والعيوب لكل خيار واختار الأنسب لاحتياجاتك، وماتنساش تستفيد من العروض والخصومات المتاحة اللي هتوفر فلوسك.
وأثناء عملية الشراء، حاول تتفاوض كويس وتفاصل، عشان تحصل على أفضل سعر، وقارن العروض من الوكالات المختلفة.
بعد ما تاخد العربية، جرب تسوقها وتعملك لفتين كده كنوع من التجربة عشان تشوفها مناسبة لك ومريحة في السواقة ولا لأ، وتتاكد إن كل أجهزتها شغالة كويس، وإمكانياتها تمام التمام.
وأخيرا، لو اتبعت النصايح دي، هتقدر تشتري عربية كويسة تناسب احتياجاتك وميزانيتك وبأفضل قيمة ممكنة.