لو نفسك في قرض علشان تشتري حاجة انت عايزها ومش عندك اي حاجة تضمنك في البنك ولا تقدر من خلالها تروح البنك وتقدم علي قرض يبقي الفيديو ده ليك… شوف ازاي تقدر تاخذ قرض من بنك ناصر بصورة البطاقة بس وبدون اي ضمانات ولا اي حاجة
طبعا كل واحد فينا عنده حلم وامل أن يكون صاحب ملك سواء بيت او شقة سكنية أو مشروع أو باب رزق جديد، وطبعا اغلبنا مش معاه الفلوس اللي يحقق بيها الحلم ده، وهنا مربط الفرس العين بصيرة والأيد قصيرة، طيب اية العمل في الورطة دي خصوصا لو الحلم ده متوقف عليه كل الخطط والأحلام اللي انت راسهما لحياتك .
بدون ما تلف ولا تحتار بنك ناصر الاجتماعي قدم الحل ، واعلن عن تقديم قروض بتوصل لارقام كبيرة جدا للعملاء يقدروا يتقدموا للحصول عليها وبدون اي ضمانات يا دوب تاخذ صورة البطاقة الشخصية بتاعتك وتتوكل علي الله علي البنك وتاخذ القرض اللي انت عايزة وتسدد براحتك، وتبدا مشروعك ولا تفتج باب زرقك وتحقق حلمك.
طيب اية القرض اللي اعلن عنه بنك ناصر الإجتماعي للعملاء ده بيوصل لكام واية هيا شروطه؟.
بنك ناصر الاجتماعي اعلن عن تقديم قرض حسن وبصورة البطاقة وبدون اي فوايد وقسط شهري أقل من 300 جنيه، وده في اطار المبادرة اللي بيقدمها البنك للتخفيف من الظروف المادية الصعبة اللي بيمر بيها كتير من المواطنين مننا .
بنك ناصر حط شوية شروط لتقديم القرض الحسن وبدون اي فوايد وبصورة البطاقة الشخصية بس وهي أن يكون المتقدم للقرض من أصحاب المرتبات أو المعاشات أو ورثة المعاشات، وان تكون مدة الخدمة الفعلية للمقترض متقلش عن 3 سنين في حالة الاقتراض بضمان المرتب، وأن تكون مدة لخدمة الفعلية للمقترض متقلش عن 20 سنة في حالة الاقتراض بضمان المعاش الافتراض، وتحويل القسط أو المعاش على بنك ناصر الاجتماعي، وتقديم ضامن من العاملين بالجهاز الإداري للدولة في حالة الاقتراض بضمان المعاش المستحق.
اما عن المستندات والأوراق اللي حددها البنك لتقديم القرض فهيا صورة بطاقة الرقم القومي للمقترض والضامن سارية المفعول والرقم التأميني للمقترض والضامن والمستفيد وبيان مفردات مرتب أو معاش للمقترض ومرتب الضامن، وفي حالة قرض الزواج العميل هيقدم أصل وثيقة عقد قران حديثة، وفي حالة قرض العلاج العميل هيقدم شهادة طبية حديثة معتمدة من أحد مستشفيات وزارة الصحة، وفي حالة قرض الحالات الطارئة العميل هيقدم مستند يثبت الحالة معتمد من جهة الاختصاص.
طيب ازاي العملاء يقدروا يسددوا القرض الحسن لبنك ناصر في المستقبل؟.
بنك ناصر الإجتماعي أعلن برضوا عن شروط سداد القرض الحسن وهيا أن هيكون السداد علي أقساط شهرية لمدة 3 سنين، وكمان قرر إعفاء أسرة المقترض من سداد باقي الأقساط في حالة وفاته لا قدر الله .