إيه اللي بيحصل في مصر وفي المنطقة وليه الناس خافت في الأيام اللي فاتت وايه حكاية الصفقة المنتظرة.. كل ده هنعرفه مع حضراتكم في الفيديو ده خليكم معانا للآخر.
من أهم الأحداث في الاسبوع اللي فات كان تصريحات الدكتور مصطفي مدبولي واللي ماس كتير خافت منها لما عمل مؤتمر صحفي مع وزيري الاستثمار والمالية واتكلم في حاجات كتير عن الاقتصاد والظروف اللي حولينا ولأول مرة تكون نبرة مدبولي تشاؤمية عن اللي بيحصل حولينا في المنطقة .
ورغم إن مصر قدرت تقاوم الظروف دي وتتحدى العاصفة والتيار لكن استمرار الأزمات اللي في المنطقة خلي الدكتور مصطفي مدبولي يحذر من التداعيات الخطيرة وقال صراحة ان استمرار الكوارث دي بيهدد من اقترابنا من اقتصاد الحرب..
الدكتور مدبولي كان يقصد باقتصاد الحرب أن جهود الدولة الاقتصادية هتروح لمواجهة التحديات الجاية من بره سواء ارتفاع أسعار السلع عالميا أو حدوث أزمة في سلاسل الإمداد تعوق وصول السلع لمصر
كمان اقتصاد الحرب بيخوف المستثمرين ورؤوس الأموال لأن استمرار التوتر في منطقة لفترة كبيرة معناه عدم استقرار .
مدبولي اتكلم بصراحة وقال إن الحكومة المصرية حاليا بتواجه تحديات غير مسبوقة، وبتتعامل مع اضطرابات الوضع الدولي والإقليمي بحزمة من القرارات، وإن المنطقة لو دخلت في حرب إقليمية مصر تدخل في وضع شديد ممكن يوصل لوضع اقتصاد حرب.
كمان على مدار الساعات اللي فاتت صدر تقرير صادم من الجهاز المركزي للتعبئة العامة والإحصاء بخصوص نسب التضخم السنوي لأسعار المستهلكين في المدن وكشف إنه ارتفع لـ 26.4% في سبتمبر، مقارنة بـ 26.2% في أغسطس ودي طبعا أرقام ونسب منطقية بهد زيادة اسعار المواد البترولية الأخيرة واللي كل حاجة زادت بعدها بسبب زيادة تكاليف الانتاج والنقل..
ولان معدلات التضخم هتكون هي العامل الرئيسي في تحديد سعر الفايدة في اجتماع لجنة السياسة النقدية بالبنك المركزي يوم الخميس 17 أكتوبر الحالي فحصل كلام كتير في النقطة در تحديدا حولين اتجاه المركزي لرفع سعر الفائدة لكن اغلب التوقعات بتقول إنه هيثبت السعر .
خلال الأيام اللي فاتت الحكومة اتحركت بقوة في دمج الاقتصاد الغير رسمي في منظومة الحكومة والضرايب
وبخصوص الموضوع ده وزير المالية، أحمد كجوك، طلع و اتكلم عن جهود الحكومة لدمج الاقتصاد الغير رسمي واتكلم عن حاجات كتير زي التسهلات الضربية والحوافز اللي هتقدمها الحكومة وكمان اتكلم عن قطاعات ريادة الأعمال والفري لانسر..
وزي ما احنا عارفين إن الاقتصاد غير الرسمي هو كل نشاط مش داخل على سيستم الحكومة أو الضرايب ومش حاصل على تراخيص أو بيسدد رسوم ومستحقات الدولة.
وسلط التقرير على أهمية الاقتصاد غير الرسمي وقالت إنه حسب التقارير الرسمية بتوصل نسبته في الناتح المحلي نحو 50% يعني النص بالظبط بقيمة تقترب من 3 تريليون دولار.
وزير المالية اتكلم كمان عن قطاعات ريادة الأعمال و”الفري لانسر” ودا مصطلح للاقتصاد الحر أو الأعمال الحرة الغير مسجلة رسميا على سيستم وزارة المالية وقال إن فيه خطط وحوافز كبيرة لضمه للاقتصاد الرسمي.
ومن الاخبار الحلوة وسط حالة القلق اللي احنا فيه حصل كلام على صفقة من العيار التقيل هيتم الإعلان عنها قريبا
وحسب مصادر حكومية كشفت عن اجتماع مرتقب خلال أيام بين رئيس الوزراء ووزير الكهرباء ومسؤولي صندوق مصر السيادي لمتابعة تطورات مفاوضات صفقة بيع محطتي طاقة رياح جبل الزيت والزعفرانة.
المفاوضات بشأن محطة طاقة رياح جبل الزيت حسب معلومات بانكير بتشهد تقدم ومن المقرر حسم الصفقة قبل نهاية العام الجاري، وكانت المشاورات طوال الأسابيع الماضية تتعلق بزيادة القيمة التي عرضتها الشركة للاستحواذ على المحطة.
وأوضحت المصادر أن المفاوضات أوشكت على الانتهاء من المقرر أن تقوم الشركة التي ستشتري المحطة بضخ استثمارات لتجديد محطة طاقة رياح جبل الزيت القائمة لإطالة عمر المحطة لمدة 10 سنين إضافية، لتوليد الطاقة لصالح الدولة، ومصر هتحصل على دفعة مقدمة، ونسبة سنوية من إيرادات المحطة كمقابل لحق الانتفاع بالأرض المقامة عليها المحطة، نظرا لأن ثلث عمر المحطة انقضى.