ايه اللي بيحصل في البنوك وايه مصير شهادات الادخار ذات العائد الكبير في اكبر بنكين في البلد وهل فعلا هيام إيقافها ولا تخفيضها وايه مصير فلوس الناس اللي اشترت.. كل الأسئلة دي هنجاوب عليها في التقرير التالي ده خليكم معانا للآخر
زي ما احنا عارفين البنوك المصرية لجأت في وقت من الأوقات لطرح شهادات ادخار بفايدة كبيرة وقياسية في محاولة وقتها لسحب السيولة من السوق وإغراء المواطنين للاستثمار في البنوك وده للسيطرة على معدلات التضخم العالية اللي كانت موجودة وقتها رغم أن البنوك هتتحمل تكلفة عالية جدا نظير طرح الشهادات العالية.. دلوقتي ايه مصير شهادات الادخار العالية الفائدة بعد تراجع ارقام التضخم حسب بيانات الحكومة الأخيرة.
زي ماقلنا بنوك الأهلي المصري ومصر وهما أكبر بنكين حكوميين في البلاد طرحوا شهادات ادخار مرتفعة العائد ذات الفايدة 27% و23% ولسه بتيحها لغاية دلوقتى على الرغم من إعلانهم دراسة خفض فايدة الشهادات نفسها قبل 6 أسابيع تقريبا في وقت أعلن البنك التجاري الدولي، أكبر البنوك الخاصة، خفض فايدة الشهادات الثلاثية بنحو 2% منتصف الشهر الحالي.
مصادر مصرفية شايفة إن تمسك البنكين الحكوميين الأهلي المصري، ومصر، بفايدة الشهادات المرتفعة لمدة تجاوزت 6 شهور مع تحمل تكلفتها المرتفعة، مؤشر على استمرار تشديد المركزي المصري للسياسة النقدية لفترة أطول.
ونفس المصادر كشفت ان لجان الأصول والخصوم بالبنكين دلوقتي بتترقب اجتماع لجنة السياسة النقدية بالبنك المركزي المصري في منتصف يوليو الجاي، لدراسة إمكانية وقف أو الاستمرار في إصدار الشهادات مرتفعة العائد، حسب تكلفة الأموال والدور القومي للبنكين في دعم الاقتصاد الوطني.
وبنفكركم إن البنكين طرحوا في الأسبوع الأول من يناير الماضي شهادات الادخار مرتفعة العايد، بهدف استيعاب السيولة المالية الضخمة من السوق زي ماقلنا بالتزامن مع انتهاء آجال الشهادات اللي تم طرحها خلال السنة اللي فاتت واللي وصلت حصيلة الاكتتاب فيها حوالي نص تريليون جنيه.
طيب ايه مصير فلوس الناس اللي اشترت الشهادات دي؟
اكيد الناس اللي اشترت الشهادات دي هتستمر في صرف العائد لو تم وقفها لغاية انتهاء مدة الشهادة من غير اي تغيير وبعدها كمان هيصرفوا اصل فلوسهم في مواعيدها لأن دي نقطة مفهاش جدال وده اتفاق بين البنك والعميل ومايقدرش يرجع فيه لكن الكلام عن الوقف معناه إنه مش هيتم بيع شهادات جديدة بنفس الفايدة لعملاء جدد.
وزي ما احنا عارفين إن الاستثمار في شهادات الادخار الكبيرة من افضل الاستثمارات المضمونة والآمنة للأموال لأنها محفوظة من قبل البنك المركزي المصري ومن غير اي خطر عليها على عكس انواع تانيه من الاستثمارات اللي فيها هامش مخاطرة.