المستشفيات الحكومية واحدة الحاجات اللي الكلام كتير عليها قوي في الايام اللي فاتت والناس كلها بتقول ان الدولة هتبيع المستشفيات وان الدولة بتبع البلد حته ورا التانية.. يا تري اية حقيقة الكلام ده .. وهل فعلا الدولة هتبيع المستشفيات الحكومة لناس من برا مصر
الاشاعات في بلدنا واحدا من الحاجات اللي بنعيشها كل ساعة وكل يوم حدوته وحكاية غير التانية وطبعا كلهم ماشيين في اتجاه واحد بس وهو ان الحكومة هتبيع البلد حتة حتة وان الناس اللي مسؤولين عن البلد مش بيبصوا غير علي مصلحتهم، وان الايام اللي جاية هتكون ملهاش ملامح وان اللي فات حاجة واللي جاي ما يعلم بيه الا ربنا.
الاشاعات دي كلها طالت كل حته في البلد، وحاليا جه الدور علي المستشفيات الحكومة خصوصا ان كلام وزارة الصحة عن دخول القطاع الخاص لتطوير المستشفيات الحكومية، بحيث يكون عندنا خدمة صحية تليق بالمواطن المصري، وده جاي في اطار اتجاه الدولة لتعظيم مشاركة القطاع الخاص في كل مجالات العمل.
طيب هل فعلا الدولة هتبيع المستشفيات الحكومة ومين هيكون عندنا مكان صحي المواطن الفقير يكشف فيه؟.
الكلام ده مش مضبوط تماما، لأن الغرض من دخول القطاع الخاص في مجال المستشفيات الحكومية هو تطوير الخدمة الصحية بحيث انها تكون لائقة لاستقبال وعلاج المواطن المصري، ومجلس الوزراء طلع ونفي الكلام ده كله وقال الدولة رفعت مخصصات العلاج علي نققة الدولة في الموازنة الجديدة للجمورية لعام 2024/2025 بنسبة 16.1% ووصلت لـ10.1 مليار جنية بدلا من 8.7 مليار جينه في الموازنة بتاع السنة اللي فاتت.
مجلس الوزراء كمل كلامه وقال أن قرارات العلاج علي نفقة الدولة لسه مستمرة زي ما هيا واللي بتشمل كل الخدمات الطبية زي العمليات الجراحية والادوية والفحوصات، ده غير جهود الدولة لتطوير المستشفيات وتحسين الخدمة الصحية المقدمة للمواطنين.
مجلس الوزراء استشهد علي كلامه عن استهداف الدولة تطوير الخدمة الصحية للمواطنين وتعزيز استراتيجية العلاج علي نفقة الدولة، وقال ان في شهر ابريل اللي فات من السنة دي الدولة عالجت 290 الف حالة علي نفقة الدولة بتكلفة تجاوزت مليار و 713 مليون جنية و 392 الف جنية وده في اطار خطة الدولة لرفع العبئ عن المواطنين .
وزارة الصحة والسكان طلعت هيا كمان ونفت الكلام ده وقالت ان أجمالي المستهدفين من قررات العلاج علي نفقة الدولة بيوصل لـ 276 الف و 573 مواطن وان قرارات العلاج بتشمل امراض الدم والأورام والجراح والنسا والتوليد والباطنة والانف والاذن والمسالك البولية والعظام بالاضافة الي الامراض الجلدية والعصبية .
الوزارة قالت كمان ان قرارات العلاج علي نفقة الدولة متاحة للمواطنين من خلال الموع الالكتروني للوزارة وممكن لاي حد أن يدخل يسجل بياناته والرقم القومي له وهتظهر له كل البيانات الخاصة بعلاج المواطنين علي نفقة الدولة .د