لو حضرتك عايز تفتح حساب بنكي وأنت قاعد في البيت، تعمل إيه، هل في طرق تكنولوجية وسريعة تخليك تنجز الموضوع من غير ما تضرب مشوار للبنك ولا الموضوع ممكن يخلص بمكالمة تليفون.. هنقولك كل التفاصيل في التقرير ده، فتابعنا للآخر.
دلوقتي البنوك المصرية، بتقدم عدد من التيسيرات لعملائها، وخاصة فيما يتعلق بفتح حساب جديد، خصوصا لعملاء حسابات التوفير، ومن هنا بتقدم مزايا وتسهيلات في الشروط.
ومن ضمن التسهيلات دي، فتح حساب أونلاين في البنك والاستفادة من الإعفاء من المصروفات.
ونبدأ من بنك مصر، فلو حضرتك عايز تفتح حساب مجانًا في البنك ده، فتقدر تعمل كده بدون مصاريف، وبخطوات بسيطة، واللي هي انذ تدخل الرقم القومي ورقم تليفونك المحمول على تطبيق البنك أو الموقع الرسمي للبنك.
بعد كده، تدخل رمز الأمان المرسل لرقم الهاتف المحمول (OTP)، مع الحفاظ على سرية هذا الرمز، بعد كده تدخل البريد الإلكتروني مرتين للتأكيد، وبعد كده هيتم إرسال رمز الأمان (OTP) على البريد الإلكتروني اللي قمت بتسجيله للتحقق.
بعد شوية، هتقوم بملء البيانات المطلوبة لفتح حساب في بنك مصر أونلاين، أما الخطوة الأخيرة فتتطلب ان حضرتك تعمل زيارة لأقرب فرع من فروع البنك اللي بترغب في فتح حساب به للتوقيع وتستكمل المستندات المطلوبة، وتاخد رقم الحساب.
وخليك عارف، إن أغلب البنوك المصرية بتيح دلوقتي خدمات تسهل على العملاء التعامل معها، وهي زيارة موظف البنك للعميل في مكان محدد، بس لازم العميل يعمل تأكيد على اطلاعه وموافقته على الشروط والأحكام، وبعد كده هيجيله إيميل من البنك لإعلامه بالتسجيل والتأكيد على تفعيل الحساب.
بس لازم تعرف شروط فتح حساب بنك مصر والمستندات المطلوبة، اللي اولها إن ممكن لأي حد بفتح حساب في البنك بشرط ألا يقل السن عن 16 عامًا، وأن يكون غير حامل لحسابات بنكية تانية بنفس البنك.
وأثناء عمل الحساب، لازم تقدم صورة من البطاقة الشخصية السارية، ومن هنا بيفتح الحساب مجانًا، يعني بدون مصروفات فتح الحساب، أو بحد أدنى 500 جنيه بس.
والعائد على الحساب، بيبدأ يعد بدءًا من 500 جنيه، وبيوفر للعميل العديد من المزايا والخدمات الأخرى، زي خدمة الإنترنت البنكي مجانًا، وتطبيق الهاتف المحمول، وكمان إعفاءات وتخفيضات من بعض المصاريف الخاصة بمنتجات القروض، وإصدار بطاقة خصم فوري.
طب إيه هو أقل مبلغ لفتح حساب في بنك مصر؟
بالنسبة لفتح حساب جاري أو توفير في بنك مصر، فمفيش مصروفات على غالبية الحسابات، يعني هي معفاة من الرسوم، لكن في حد أدنى لفتح الحساب الجاري، وأقلها 100 جنيه للحساب من نوع «منجز»، وكمان حد أدنى لاحتساب العائد في حالة فتح حساب توفير، وأقلها 500 جنيه.
وبكده، تكون عملت كل اللي عليك وفتحت حسابك البنكي بنجاح.