خلاص سنة تعليمية بتنتهي وسنة جديدة إلي الابواب وحاليا كل الآباء والأمهات بيدورا علي مدرسة وجامعة كويسة لأبنائهم علشان يخرجوا جيل متعلم وفاهم حقوقه وواجباته.. لكن الظروف الاقتصادية الحالية أصبحت حاجز قدام الرغبة دي دلوقتي.. لو عايز تعرف الحل لكل مشاكل أولادك وتعلمهم كويس اقرأ هذا التقرير للآخر
كل واحد فينا عنده ابنه أو بنته هيا اعز ما يملك وهيا الزرعة اللي كل واحد فينا بيروي فيها كل يوم وشايفها بتكبر قدام عينة لحد ما يستلم شغله ويبدأ حياته العملية ويكون أسرة سعيدة ويعيش مبسوط وسعيد في حياته .
تعليم الأبناء واحد من أهم القضايا اللي بتشغل بال ناس كتيرة وكل واحد فينا عايز يعلم ولاده أحسن تعليم وفي أحسن مدارس وجامعات علشان يكون عندنا جيل فاهم ودارس كويس وجباته وحقوقه ويقدر يبني بلده بشكل كويس .
الاحلام والطموح ده كلها بتواجهها حاجة. احدى بس وهيا اللي بتتحكم فيها وهيا الظروف الاقتصادية خصوصا أن التعليم الخاص محتاج مصروفات كبيره مش أغلبنا يقدر عليها ولكن أنا دلوقتي هقولك علي حل يخلص من صداع تعليم الاولاد وتحقق حلمك فيهم .
البنوك دلوقتي بتقدم ميزة قرض التعليم، إمكانية الحصول على قرض شخصي بيوصل إلى مليون جنيه لتغطية مصروفات التعليم ضمن برنامج القرض التعليمى أو قرض التعليم العالى.
وعلشان نكون عارفين أن مش كل البنوك بتطلب شروط خاصة لتقديم قروض التعليم وفي بنوك تاني بتطلب شروط خاصة لتقديم قرض التعليم العالى لطلاب الجامعات الحكومية أو الجامعات الخاصة أو الإنترناشيونال بعد تقديم الأوراق المطلوبة واستيفاء الشروط للموافقة على القرض.
اما عن الشروط اللي بتحددها البنوك لتقديم قروض التعليم العالي والمدارس الخاصة فيها شهادة قيد الطالب في الجامعة، وفاتورة بمصاريف الدراسة وشهادة ميلاد الطالب وشهادة بالدخل الشهري للمقترض موقعه من جهة العمل، وايصال مرافق حديث.
طيب اية هيا أبرز البنوك اللي بتقدم قروض التعليم العالي ومصروفات الجامعات الخاصة؟.
البنك الأهلي المصري واحد من البنوك اللي أعلنوا عن تقديم قروض التعليم وسداد مصروفات المدرس الخاص بفترة سداد بتوصل إلى 12 شهر واسعار فائدة متناقصة سنويًا تبدأ من 19.5% وتامين على الحياة اختياري طول مدة القرض وفي حال رغبة العميل إلغاء أو سداد المبلغ المتبقي من القرض قبل انتهاء مدته، بيقدم طلب كتابي للبنك لسداد معجل للتمويل وإيداع القيمة النقدية لسداده شاملة عمولة السداد المعجل.
ومن البنك الاهلي المصري بنروح للبنك الأهلي الكويتي واللي أعلن عن تقديم قروض التعليم وسداد مصروفات المدرس الخاص واشترط أن يكون الحد الأدنى لصافي دخل ولي الأمر 3000 جنيه للموظفين، و6000 جنيه للمهن الحرة، ويكون سن المتقدم للقرض ميقلش عن 21 سنة وميزدتش عن 60 سنة في نهاية مدة القرض.
البنك الأهلي الكويتي اعلم كمان عن الشروط اللازمه من العملاء للحصول علي قروض التعليم والمدارس الخاصة وهيا أصل البطاقة الشخصية وإيصال مرافق حديث وكشف حساب بنكي لآخر 6 أشهر وسجل تجاري وبطاقة ضريبية من أصحاب المهن الحرة وتقديم شهادة ميلاد أو بطاقة الطالب الشخصية وخطاب بإجمالي المصاريف الدراسية وخطاب إثبات تسجيل الطالب في الجهة الدراسية.
ولسه مكملين معاكم وبنروح لبنك التعمير والاسكان واللي أعلن عن تقديم قروض التعليم وسداد مصروفات المدرس الخاص واشترط البنك السماح بتحويل راتب المقترض لسداد القسط الشهري، وحدد مدة سداد القرض علي سنة واحدة بس وبسعر فايدة 22.25 % متناقصة واكد ان المصاريف الإدارية بتتوقف حسب قيمة القرض ونوع الوظيفة.