إيه حكاية شقق الإسكان الفاخرة اللي وزارة الإسكان أعلنت عنها في الفترة الأخيرة، إيه هي مميزاتها واسعارها، وإزاي الشباب أو أي مواطن عايز يشتري شقة، يحجزها.. هنقولك كل التفاصيل في الفيديو فتابعنا للآخر.
دلوقتي، الدولة المصرية بتسعى لتوفير شقق ووحدات سكنية في متناول الجميع وبأسعار مدعومة، عشان كده وزارة الإسكان الاجتماعي بتعلن بشكل دوري عن طرح شقق فى مشروعات الإسكان المتنوعة، وخاصة الإسكان المتوسط فى المدن الجديدة.
ومن المقرر قريب، طرح وحدات سكنية فاخرة، وهتكون جاهزة للتسليم الفوري بداية من 27 من أكتوبر الحالي، وهي بتتضمن 6575 وحدة سكنية في 15 مدينة جديدة، اللي هي “القاهرة الجديدة – العلمين الجديدة – المنصورة الجديدة ـ 6 أكتوبر – أكتوبر الجديدة – حدائق أكتوبر – بدر – العبور – الشروق – العاشر من رمضان – السادات – المنيا الجديدة – غرب قنا الجديدة – ناصر (غرب أسيوط) – دمياط الجديدة” .
أما عن مساحات شقق الإسكان المتوسط، فهي بتتنوع ما بين 90 متر و 100 متر لحد 150 متر، ومتاح 409 وحدات جنة بمساحات تتراوح من (100م2 : 150م2).
كمان بتتوافر 700 وحدة سكن مصر بمساحات تتراوح من (106م2 : 133م2) بمدينة القاهرة الجديدة، و223 وحدة جنة بمساحات تتراوح من (100م2 : 150م2) بمدينة 6 أكتوبر، و22 وحدة دار مصر بمساحات تتراوح من (100م2 : 150م2).
ضيف على كل ده، 435 وحدة سكن مصر بمساحات تتراوح من (106م2 : 118م2) بمدينة حدائق أكتوبر، وكمان 300 وحدة سكن مصر بمساحات تتراوح من (106م2 : 115م2) بمدينة أكتوبر الجديدة.
طب إيه هي خطوات حجز شقق الإسكان المتوسط؟
بص يا سيدي، هي بتبدأ بخطوات حجز وحدة سكنية ضمن شقق الإسكان المتوسط، للمواطنين متوسطي الدخل، من خلال موقع مسكن لحجز شقق الإسكان الجديدة.
حضرتك هتبدأ تختار كراسة الشروط اللي هيتم وضعها على الموقع فور بداية الحجز 27 أكتوبر الجاري، بعد كده بيتم الاطلاع على الشروط والتفاصيل الخاصة بحجز الوحدات السكنية المطروحة.
بعد كده، هتضعط على تقديم طلب حجز جديد، وتكتب البريد الإلكتروني والباسورد، وتعمل حساب للدخول على الموقع واستكمال الحجز، وبعد انتهاء التسجيل، حضرتك هتدفع 50 ألف جنيه كمقدم عشان تقدر تحجز شقتك.
نردع تاني لشقق الإسكان المتوسط، الحكومة أتاحت كمان 1500 وحدة في عمارات الحي السادس بمدينة بدر بمساحة 90م2 للوحدة، و456 وحدة في روضة العبور بمساحات تتراوح من (101م2 : 111م2) بمدينة العبور.
كمان بيتم طرح 35 وحدة «سكن مصر» بمساحات تتراوح من (106م2 : 130م2) بمدينة الشروق، و11 وحدة دار مصر بمساحات تتراوح من (130م2 : 140م2) بمدينة العاشر من رمضان، وكمان 11 وحدة دار مصر بمساحات تتراوح من (130م2 : 150م2) بمدينة السادات.
كل ده بجانب طرح 34 وحدة سكن مصر بمساحات تتراوح من (106م2 : 115م2) بمدينة المنيا الجديدة، و246 وحدة سكن مصر بمساحات تتراوح من (106م2 : 118م2) بمدينة غرب قنا، و310 وحدات سكن مصر بمساحات تتراوح من (106م2 : 130م2) بمدينة ناصر «غرب أسيوط».
وبعد ما تختار الوحدة السكنية المناسبة لحضرتك وتدفع المقدم، هتابع على موقع وزارة الإسكان لحد ما تستلم شقتك في الميعاد المحدد.