لو انت اول مرة تسافر من المطارات، وأول متعود علي السفر لكن مش عندك خبرة كبيرة في موضوع النقد المحدد للسفر خصوصا ان انت رايح تشتري حاجة من برا، أو لو قدر الله مسافر تعمل عملية جراحية ومعاك فلوس كتيرة بعملة غير مصرية… ولو انت مش عارف ممكن تلبس في قضية تهريب.. يا تري اية الحكاية الطويلة دي وازاي اسافر واخذ المبلغ اللي انا عايزها من غير قضية وقصة
البنك المركزي حط قواعد محددة لسفر المواطنين بالأموال، خصوصا ان أي حد ممكن يقولي دي حرية شخصية أنا اسافر بالفلوس اللي انا عايزها، دي فلوسي مش ساقرها من حد ولا حد يقدر يقولي مسافرش بيها لاية.
باختصار ومن غير ما تعمل مشكلة، البنك المركزي حط قواعد لسفر المواطنين بالنقد الأجنبي والقوانين دي بتطبيق بشده علي كل المسافرين مش علي مسافر معين لكن لو انت عايز تسافر بالفلوس بتاعتك دي لها حدوته تانية هنتكلم مع حضراتكم فيها دلوقتي علشان تقدر تسافر بفلوسك بدون مشاكل ولا تلبس قضية تهريب نقد اجنبي .
قانون البنك المركزي زي ما حط قواعد لسفر المواطنين المواطنين بالنقد الأجنبي واللي مش هتتعدي 10 الاف دولار أو ما يعادلها بالعملات التانية، حط برضوا قواعد لسفر المستثمرين والمواطنين واللي مش ليهم حسابات بنكية برا،ومنهم يقدروا يسافروا بالدولارات اللي هما عايزينها بشرط وجود فاتورة استيرادية معتمدة بالحاجات اللي هيشتريها من برا وتكلفتها هتكون قد اية، وكمان بشرط ان اول ما يوصل المطار يقول علي الدولارات اللي معاه لرجال الجمارك، ويوريهم الفاتورة اللي هيشتري بيها بضايعه وهنا نقدر تأخذ الكمية المحددة لك في الفاتورة وتسافر وانت مطمئن وبدون أي مشاكل ولا قضايا تهريب دولارت؟
طيب نيجي بقي لو واحد مسافر يعمل عملية جراحية ما، ومش عنده حساب بنكي برا ولازم يأخذ الدولارات معاه في جيبة علشان يتعالج يعمل اية في الحوار ده خصوصا لو العلاج هيتكلف اكثر من 10 الاف دولار زي لاعيبة كرة القدم واللي غالبيتهم بيسافروا يعملوا عمليات جراحية برا مصر وخصوصا في المانيا.
في الحالة دي، حضرتك هتاخذ كل الاشعاعات والتقارير الطبية اللي بتأكد حالتك الصحية والغرض من السفر والحجز عن الدكتور اللي حضرتك مسافر عليه، وفي الحالة دي سلطات المطار هتسمح لك بالسفر بالكمية المطلوبة من النقد الأجنبي، ومهما كانت هتسافر بيها بشرط برضوا ان تبلغ رجال الجمارك في المطار بالدولارات اللي معاك وعددهم قد اية.
طيب ازاي بتم ضبط قضايا تهريب التهريب في المطارات؟.
بص ما غير ما تلف ولا تحتار ولا دماغك تاخذك في أماكن مش معروفة، علشان نكون عارفين ان قضايا التهريب في المطار بتم بشكل عشوائي يعني ممكن الراكب اللي واقف قدام منك في الطابور يعدي وانت تتفتيش، والوسيلة الأولي لحالات التفتيش هيا جوازات السفر يعني لو حضرتك بتسافر كتير والمدة الل يتقعدها برا قليلة فدي أول حاجة هتخليك تتفتيش في المطار ولو انت في السليم مش هيكون عندك مشكلة بتعدي بدون أي مشاكل.
علشان نكون عارفين ان في كمان رحلات طيران رجال الجمارك بيركزوا عليها زي رحلات مجلس الخليج خصوصا ان اغلب الناس اللي جايين من هناك بيكونوا معاهم هدايا لازم يدفعوا عليها جمارك، وكمان رحلات طيران دول شرق اسيا واحدة من الرحلات اللي بيكون عليها تدقيق جامد جدا خصوصا ان اغلب الدول دي مشهورة بتجارة المخدرات وفي ناس كتير منهم بيجوا مصر بغرض التجارة في المخدرات، بخلاف رحلات جنوب افريقيا واللي برضوا مشهورة في تجارة أصناف معينة من المخدرات وخصوصا الكوكايين .