نفسك تتزوج وتكمل نص دينك بس الحياة صعبة ولسه قدامك مصاريف كتير ..متقلقش بنك مصر في ضهرك وهيكون وكيلك في الجواز ة دي.. لو عاوز تعرف التفاصيل اقرأ هذا التقرير.
بنك مصر من أكتر البنوك في مصر اللي بيقدم حزمة متنوعة من التمويلات ومثلا السنة دي طرح 5 قروض جديدة ضمن برنامج “القروض التجارية للأفراد” بهدف تمويل احتياجاتهم الشخصية المختلفة وتلبية طلباتهم
وبحسب موقع البنك، بتشمل القروض دي تمويل حفلات الزواج، والعمليات الطبية الصغرى، وخدمات التجميل والأجهزة التعويضية، واشتراكات الأندية، وصيانة واصلاح السيارات، وأي تمويل استهلاكي آخر من خلال طرف تالت “مورد أو مقدم خدمة”.
وبيقدم بنك مصر تمويل تكاليف حفلات الزواج ليلة العمر بهدف تمويل احتياجاتهم الشخصية، وده بضمان تحويل الراتب للموظفين في القطاعي العام والخاص، وأصحاب المهن والأعمال الحرة، وكمان أصحاب أو مستحقي المعاشات.. يعني مش هتشيل هم مصاريف الجواز خالص
وبخصوص تفاصيل قرض الزواج بنك مصر بيحتاج من العميل بعض الأوراق للموافقة على القرض و هي ساهلة ومتاحة وهي صورة من الرقم القومي الخاصة بالعميل، وإيصال خدمات حديث (مياه أو كهرباء أو غاز)، وكمان شهادة معتمدة من جهة العمل بإجمالي الدخل الشهري، أو المعاش، وللبنك الحق طلب أية أوراق أخرى يرأها ضرورية.
وعن تفاصيل قرض تمويل حفل الزواج ليلة العمر فشوف ياسيدي
قيمة التمويل بتوصل إلى 300 ألف جنيه.. وفترة سداد القرض تصل إلى 5 سنين… المصروفات الإدارية تخصم 1.5 % من إجمالي قيمة القرض دفعة واحدة…. والحد الأقصى لنسبة التمويل تبلغ 100% من إجمالي قيمة القرض.. ولازم يكون الحد الأدنى لسن العميل يبدأ من 21 سنة.
بعد ما تجهز ورقك هتروح لأقرب فرع لبنك مصر وهناك هتخلص بقية الإجراءات والتوقيعات وهتستلم بعدها القرض وموظف البنك هيقولك ألف مبروك وربنا يتمم على خير.. لكن لازم تعرف إن القرض أمانة عندك وفلوس عملاء تانيين البنك بيشغلها وعشان كده لازم تكون مطمن على آلية السداد وعدم تأخير اي اقساط لأي سبب عشان متلقيش نفسك في أزمة كبيرة مع البنك ولا تغرم فلوس تانية بسبب التأخيرات دي ولا تدخل البلاك ليست في البنوك.