من كام يوم الرئيس السيسي فتح قلبه واتكلم مع الناس بصراحة وتطرق الى أزمة قطع التيار الكهربائي وليه الدولة بتعمل كده وقال انه ممكن يوقف قطع الكهربا بس ده هيخلى الفاترة ترفع 3 أضعاف يعنى لو فيه مواطن حاليا بيدفع 100 جنيه هيدفع 300 .. الرئيس يومها طالب وزير الكهربا يشرح للناس حقيقة الأوضاع وامتى الأزمة ممكن تنتهي .. فيا ترى الحكومة هتحل أزمة الكهربا دي امتى؟ وموضوع تخفيف الأحمال هيتوقف في اى توقيت؟
فى البداية طبعا الكلام اللى قاله الريس عن موضوع تخفيف الاحمال وعن فرق الفلوس اللى الدولة بتتحملوا عشان الفاتورة مت غلاشش على الناس كلام مهم ومؤشر لازم الناس تكون واخدة بالها منه ولازم كلنا نكون عارفين ان كتير من الخدمات اللى بيحصل عليها المواطن مش بيدفع سعرها الحقيقي
طب ايه اللى بيحصل حاليا فى ملف الكهربا؟
الوزير محمد شاكر شرح كواليس اللى بيحصل وقال ان تخفيف الأحمال بيصل من 2 إلى 3 ميجاوات يوميا وقال ان الوزارة بتحاول الالتزام بتخفيف يوميا لمدة ساعتين على أقصى تقدير
وزير الكهربا قال مع عدم رضا الحكومة عن اللى بيحصل لكن مينفعش نتجاهل أوضاع الكهرباء في 2014 لما كان فيه عجز يتجاوز 6 آلاف ميجاوات وكشف ان سبب تخفيف الاحمال حاليا وقال ان الهدف منه توفير الوقود لفترة محدودة.. الوزير أكد أن الوزارة مش بتدخر أى جهد في تحسين الأداء وسد الفجوة التمويلية للحد من تخفيف الأحمال وأعلن خبر سار وقال أن المدة القصوى لاستمرار تخفيف الأحمال هتكون بنهاية 2024.
ومؤخرا انتهت وزارة الكهربا من اعداد خرائط لشركات التوزيع في قطع الكهرباء وفيه حاليا منظومة معينة بتتحكم فى مواعيد قطع التيار وفيه أماكن مهمة وحساسة الكهربا عندها مبتقطعش
ووصلت فاتورة شراء الغاز من وزارة البترول خلال العام الحالي إلى 4.7 مليار جنيه، بسبب تحريك سعر الصرف وبتوصل تكلفة إنتاج الكهرباء لحوالي 223 قرش للكيلووات في الساعة فى الوقت اللى بيباع للشريحة الأقل بحوالى 58 قرش ومقدار الدعم اللى وزارة الكهرباء عاوزة تحصل عليه بيصل إلى 130 مليار جنيه وده مبلغ وتحدٍ كبير أمام الدولة .
وبيبلغ المتوسط العام لدعم الدولة لكل كيلووات إلى 100 قرش وتم تشكيل مجموعة عمل بمجلس الوزراء تنظر في الأمر حتى يكون الحل في تحمل الدولة قيمة الدعم وعدم رفع الأسعار بشكل يكون فيه تأثير على محدودي الدخل.