كتير مننا بيتعرض لعمليات نصب أو احتيال أثناء شراء سلعة معينة، ممكن تكون جهاز كهربائي أو سلعة غذائية أو أي حاجة تانية من التجار أو المحلات.
طيب، في حالة إنك اشتريت حاجة واتنصب عليك، يعني اشتريت الحاجة بسعر أعلى من السوق شويتين، أو طلع فيها عيب صناعة مثلاً.. تعمل إيه؟
بص يا سيدي، حضرتك أو حاجة هتعملها هي إنك تبلغ جهاز حماية المستهلك، واللي أرقامه متاحة على الإنترنت وأهمها رقم 19588، وتبدأ في تقديم شكوى بتفاصيل عملية الشراء والوضع اللي اتنصب عليك فيه.
ومن هنا، جهاز حماية المستهلك بيبدأ يتعامل مع الشكوى وأول حاجة بيعملها بيتواصل مع المحل أو التاجر اللي انت اشتريت منه، وبيبدأ في إجراءات مراجعة تفاصيل عملية الشراء ومراجعة سعر السلعة، ويتأكد لو كان فيها مغالاة ولا لأ.
ولو بعد المراجعة، اكتشف جهاز حماية المستهلك وجود مغالاة أو بيع السلعة بسعر أغلى من سعر السوق، بيقدر يرجعلك حقك، ويحرر محضر تلاعب ضد التاجر والمحل، يعني استفدت أنت بفرق السعر وأفدت غيرك بأنه مايتعرضش هو كمان لعملية نصب.
عشان كده، لو حضرتك اتعرضك لجشع التجار أو عملية بيع أو شراء غير سليمة، ماتترددش تاخد حقك.