لو معاك قرشين وعاوز تشتري بيهم دهب.. أو لو بتفكر تستثمر فلوسك فى مجال مضمون.. فلازم بسرعة وقبل فوات الآوان تاخد القرار وده لأن الأيام الجاية بتحمل مفاجآت من العيار التقيل فى سوق المعدن النفيس.. فيا ترى ايه اللى هيحصل في سوق الصاغة ؟ واسعار الدهب ممكن توصل لفين ؟ وامتى أفضل وقت للبيع أو الشراء؟
من بداية 2024 ولحد النهاردة أسعار الدهب عالميا ارتفعت بحوالى 15% بدعم من عمليات شراء قوية من بنوك مركزية والإقبال على الملاذ الآمن مع استمرار المخاطر الجيوسياسية والطلب المرتفع من الصناديق اللي عاوزة تواكب اتجاهات السوق.. وفى الوقت اللى وصل فيه سعر الاونصة عالميا الى 2400 دولار بتكثر التساؤلات حوالين القار المظبوط فيما يتعلق بيع وشراء الدهب وهل الوضع حاليا يعتبر مناسب لشراء الدهب ولا الأفضل الانتظار لعل وعسى أسعاره تنزل الفترة الجاية
وعشان نجاوب على السؤال ده لازم نقول لحضراتكم ان فيه اقبال كبير جدا من المستثمرين على شراء كميات كبيرة من الدهب من بعد اعلان بنك الاحتياطي الامريكي بدء تخفيض سعر الفايدة على الدولار بداية من اجتماع يونيو الجاى وطبعا مع انخفاض الفايدة على العملة الأمريكية الدهب بيكون خيار مثالي للمستثمرين لحفظ مدخراتهم من التآكل وكمان تحقيق مكاسب كبيرة فى ظل الارتفاع الكبير المتوقع فى اسعار المعدن النفيس عالميا بسب االتوترات السياسية فى أكتر من مكان فى العالم وبسبب اشتعال الصراع فى منطقة الشرق الوسط من بعد الهجوم الايراني على اسرائيل واعلان تل أبيب الرد على هجوم طهران
وفيه توقعات قوية بان سعر المعدن النفيش يوصل الى 3000 دولار للأوقية أو الاونصة مع نهاية 2024 وطبعا لو ده حصل فسعر الدهب فى مصر هيتحرك وممكن يوصل الى ما بين 4000 و4500 جنيه وعشان كده لو حضرتك بتفكر تشترى دهب او تستثمر فى فلوسك فى وعادء ادخارى مضمون فبنرشحلك بقوة انك تشترى دهب خصوصا وان التوقعات ان ال 10 سنين الجاية هتكون كلها للدهب
وده يفسرلك ليه بنوك مركزي لدول كبيرة زي الصين والهند وتركيا وغيرهم بيشتروا دهب بكميات كبيرة جدا وبيزو احتياطياتهم من المعدن النفيس
وعلى خلفية التوترات اللي بتشهدها منطقة الشرق الأوسط، شهدت أسعار الذهب ارتفاعات جديدة في السوق المصرية، وسجل الذهب عيار 21 وهو الأكثر مبيعاً في مصر مستوى 3350 جنيه للجرام في التعاملات الأخيرة.. كما صعد سعر الجرام عيار 24 ليسجل 3771 جنيه وارتفع سعر الجرام عيار 18 ليسجل نحو 2829 جنيها. كما صعد سعر الجرام عيار 14 ليسجل مستوى 2200 جنيه. وأيضاً، ارتفع سعر جنيه الذهب إلى نحو 26400 جنيه.