إيه هي مبادرة مصر الرقمية واللي اطلقتها وزارة الاتصالات وتكنولوجيا المعلومات وإيه علاقتها بكلام الرئيس السيسي عن احتياجات سوق العمل والبحث عن وظايق محتاجها السوق وفي نفس الوقت تكسب فلوس كتير جدا.. تعالو نشوف التفاصيل كلها في الفيديو دا خليكم معانا للأخر
فاكرين لما الرئيس السيسي اتكلم عن نظام التعليم في مصر وقال لازم نطوره ونشوف السوق المصري والعالمي عاوز أيه واتكلم وقتها تحديدا عن الوظايف اللي ليها علاقة بالتكنولوجيا والبرمجة على سبيل المثال وقال إنها هي دي وظايف المستقبل وبتحقق عوايد مالية ضخمة وبالعملة الصعبة كمان أهو بعدها وزارة الاتصالات وتكنولوجيا المعلومات، أطلقا مبادرة اسمها رواد مصر الرقمية، لتقديم برامج تدريبية وورش عمل متخصصة في مختلف المجالات التكنولوجية لكل الطلاب والخريجين من الجامعات والمعاهد العليا المصرية، ودا لتأهيل الشباب المصري على سوق العمل الجديد وترسم ليهم مستقبل مضمون بدا انتظار الوظيفة الميري أو الوظايف اللي مرتباتها ضعيفة ودا لأن مصر فيها نوابغ وعقول جبارة خاصة في أنظمة التكنولوجيا والبرمجة المعقدة واللي الطلب العالمي بيزيد عليها كل يوم وخاصة مع تطور الأنظمة التكنولوجية واللي وصلت للذكاء الاصطناعي اللي بعد كام سنة هيكون هو المتحكم في كل شيء.
نرجع لمبادرة رواد مصر الرقمية، واللي بتهدف لتحقيق الريادة في مجال تكنولوجيا المعلومات والاتصالات من خلال بناء قوة ماهرة ومبتكرة وتعلم البرمجة الرقمية العالمية المحلية والإقليمية.
مبادرة وزارة الاتصالات بتم بالتعاون مع شركات رائدة في مجال التكنولوجيا العالمية، لتعليم مهارات تكنولوجيا المعلومات والاتصالات
وبخصوص شروط التقديم في مبادرة رواد مصر الرقمية.. فأولها إن يكون الشخص مصري الجنسية ومقيم في مصر، ويكون طالب أو خريج الكليات والمعاهد العليا المصرية.. كمان بيشترط إجادة المتقدم للغة الإنجليزية المستوى الرابع كحد أدنى، وللذكور لازم يكون المتقدم أنهى فترة التجنيد أو معفي من التجنيد أو تم تأجيله للتجنيد حتى شهر يوليو 2025 اللي جاي، والموافقة على إقرار الالتزام الكامل بشروط ونظام الدراسة المحدد للمنحة.
ومن بين الشروط توفير طرق للاتصال مستدامة للمتقدم شاملة بريد إلكتروني ورقم هاتف محمول يكون عليه واتس اب والمحافظة اللي بيتم فيها حضور الجلسات الحضورية وغير قابلة للتعديل.
وعشان تبقى عارف القبول في مبادرة رواد مصر الرقمية بيكون بأولوية التسجيل واجتياز اختبارات القبول مع مراعاة تناسب البرامج التدريبية ورغبات المتقدمين مع خلفية كل متقدم الدراسية والعملية.
الطالب بعدها بيقوم بتسجيل بياناته ورفع المستندات المطلوبة المطلوبة للتقدم للخريجين وهي شهادة التخرج من الجامعة (صورة)، وشهادة الخدمة العسكرية (صورة)، وبطاقة الرقم القومي (صورة)، وللطلاب بيان درجات لآخر سنة دراسية أو شهادة القيد / صورة من كارنيه الكلية (لحين استخراج بيان للدرجات)، وبطاقة الرقم القومي (صورة).