قرض السيارة 2025..بتحلم بعربية جديدة.. عاوز تتخلص من عربيتك القديمة وتجيب موديل احدث.. فكرت تاخد قرض.. طب يا ترى إيه البنك اللي هيديك أفضل عرض؟ وأهم سؤال… الشروط هتكون مناسبة ليك؟.. في الفيديو ده هنقولك على كل التفاصيل اللي محتاج تعرفها عن قرض السيارة من بنك مصر مميزاته، الشروط، الأوراق المطلوبة، وأكتر
“بنك مصر بيقدّم برنامج مميز لتمويل السيارات… سواء جديدة أو مستعملة بشروط مريحة ومرنة.. و أول حاجة نبدأ بيها ليه تختار قرض السيارة من بنك مصر؟
فيه مميزات كتيرة جدا لقرض السيارة اللى بيقدمه بنك مصر أهمها ان التمويل بيغطي 100% من سعر العربية، وده ميزة مش متوفرة في كل البنوك.. كمان قيمة القرض ممكن توصل لحد 6 مليون ن جنيه .. والمدة عندك حرية سداد من سنة ولحد 10 سنين.والأحلى كمان… البنك بيوفّر وثيقة تأمين مجانية على الحياة خلال فترة القرض.
طب ايه شروط الحصول على قرض السيارة من بنك مصر؟
فيه شوية شروط بسيطة زي ان الحد الأدنى لعمر العميل يكون 21 سنة وبالنسبة لسعر الفائدة، بتبدأ من 17% سنويًا متناقص وبتختلف حسب نوع العميل (موظف، مهني حر، أو صاحب نشاط تجاري).
نيجي للسؤال المهم… ايه الأوراق المطلوبة؟
أوارق بسيطة وسهلة زي صورة بطاقة رقم قومي سارية وإيصال مرافق حديث على عنوان السكن (زي كهرباء أو غاز وعرض سعر رسمي من معرض السيارات.
وبالنسبة للموظفين هتحتاج شهادة بمفردات المرتب وتعهّد جهة العمل بتحويل الراتب أو القسط وصورة من البطاقة الضريبية وكشف حساب بنكي آخر 6 شهور.
“وعشان تبقى مطمن أكتر، فيه مزايا إضافية! البنك بيتيح تمويل سيارات مستعملة بشروط معينة وبيسمح بترخيص السيارة باسم طرف تالت من أسرتك وكمان بدون حظر بيع في بعض الحالات
يبقى لو بتخطط تشتري عربية جديدة وتدور على طريقة تمويل سهلة ومريحة بنك مصر بيقدملك عرض مش هتلاقي زيه. زور أقرب فرع لبنك مصر أو تواصل معاهم، واسأل عن التفاصيل اللي تناسبك