يا ترى إيه سبب التوسع الكبير في إنشاء المناطق الحرة في ؟ وهل الخطوة دي ممكن تكون المفتاح لجذب استثمارات أجنبية مباشرة بمليارات الدولارات؟ وإيه الفايدة الحقيقية للاقتصاد المصري من التوسع ده؟ ومين اللى هينفذ المشروعات الجديدة فى المناطق الحرة اللى بيتم الاعلان عن تدشينها مؤخرا؟
مصر بتتحرك بسرعة وذكاء في ملفمهم جدا وهو التوسع في إنشاء المناطق الحرة.. الحكومة والهيئة العامة للاستثمار شغّالين على طرح 5 مناطق حرة جديدة في القاهرة الكبرى والعلمين..والمناطق دي مخصصة لمختلف الأنشطة الاقتصادية وده بيحصل عشان الطلب الكبير من المستثمرين اللي عايزين يستثمروا في المناطق الحرة دي.
طب إيه اللي مميز في المناطق الحرة دي؟ وليه مصر مركزة عليها بالشكل ده؟
المناطق الحرة بتعتبر واحدة من أهم وسائل جذب الاستثمارات الأجنبية… المستثمرين بيفضلوا المناطق الحرة لأنها بتوفر تسهيلات كتير زي إعفاءات ضريبية وجمركية وحرية نقل الأموال والبضائع من غير أي تعقيدات.. يعني المستثمر يقدر يشغل مشروعه بحرية كاملة وبتكلفة أقل.. وده طبعاً بيشجع أكتر الشركات الأجنبية إنها تيجي تستثمر هنا.
وإيه المتوقع يحصل للاقتصاد المصري مع التوسع ده؟
الحكومة المصرية بتسعى لزيادة نسبة مشاركة القطاع الخاص في الاقتصاد المصري لأكتر من 65% خلال السنتين الجايين.. وده معناه إن القطاع الخاص هيبقى المحرك الأساسي للاستثمارات في مصر.
وحسام هيبة رئيس هيئة الاستثمار والمناطق الحرة.. كان قال من فترة إن مصر بتستهدف إن القطاع الخاص ينفذ استثمارات قيمتها 20 مليار دولار خلال السنة المالية الحالية.. والمناطق الحرة هتلعب دور كبير في تحقيق الهدف ده.
زخد بالككل منطقة جديدة بتتفتح.. بتفتح الباب لشركات جديدة و استثمارات جديدة ووظايف أكتر.. وده مش مجرد كلام، ده رؤية الحكومة لتحقيق تنمية اقتصادية مستدامة.
و إيه اللي خلّى مصر تتحرك في الاتجاه ده دلوقتي؟
الموضوع مش صدفة.. التوترات العالمية والحروب التجارية بين الدول بقت واقع لازم مصر تتعامل معاه بذكاء.. والتوسع في إنشاء المناطق الحرة بيدي مصر ميزة تنافسية في السوق العالمي..وكلالمستثمرين اللي بيدوروا على بيئة استثمارية مستقرة ومرنة هيلاقوا في المناطق الحرة بمصر فرصة ممتازة.
وفوق كل ده وده.. المناطق الحرة بتدعم الصادرات المصرية.. بمعنى إن المنتجات اللي بتتصنع في المناطق دي ممكن تتصدر بسهولة من غير قيود جمركية معقدة .. وده طبعا بيعزز وجود المنتجات المصرية في الأسواق العالمية.
يعني من الآخر كده.. المناطق الحرة مش بس بتجذب استثمارات دي بتخلق بيئة تنافسية ولشركات هتنافس عشان تقدم أفضل جودة بأقل تكلفة.. وده هيعود بالنفع على المستهلك المصري اللي هيلاقي منتجات وخدمات بجودة عالية وأسعار منافسة.. بالإضافة لكده كمان .. الاستثمارات دي هتساهم في تحسين البنية التحتية وزيادة الدخل القومي من خلال الضرائب غير المباشرة والرسوم اللي بتدفعها الشركات في المناطق الحرة.