مصر في الفترة الحالية بتستهدف نوع جديد من الاستثمارات وهيا الاستثمارات السياحية، والمشروعات السياحية اللي هتقام في المدن المصرية الجديد، وكانت البداية براس الحكمة ودلوقتي رأس بناس، ياتري اية اللي عايزةه مصر من المشروعات الجديدة دي سياحيا ومصر بتستهدف كام مليون سائح حاليا.
الحكومة في الوقت الحالي بتستهدف مضاعفة الارقام السياحية اللي بتدخل لمصر، ومستهدفة توصل لـ30 مليون سائح في 2028، والرقم ده من المشروعات السياحية الجديدة اللي بتقوم او بتنفذها الدولة في المدن والمناطق المختلفة في الجمهورية بقي قابل للزيادة وبارقام كبيرة كمان، خصوصا أن المشروعات السياحية الجديدة اللي الدولة بدأت تطرح بالتعاون مع القطاع الخاص بتستهدف مضاعفة الارقام اللي بتستهدفها مصر من السياحة العالمية .
طيب اية اللي هتعمله مصر بعد ما مشروعات راس الحكمة وراس بناس تفتح؟.
زي أما عارفين أن منطقة راس الحكمة وحاليا منطقة راس بناس الدولة طرحتهم للاستثمار السياحي في الوقت الحالي لبعض المستثمرين، والهدف الاساسي حاليا للدولة المصرية هو انعاش خزينة الدولة المصرية بقدر كبير من الدولارات لمساعدة الاقتصاد في النهوض ومتحصلش ازمة تانية في سعر الصرف، وترجع السوق السودا في التجارة بالعملة تكون موجودة زي زمان .
الدولة في الوقت الحالي مش عايزه ترجع زي زمان ولا ترجع الايام اللي كانت بتهدد الاقتصاد المصري، وبعد ما الدولة وقعت عقود الاستثمار السياحي في راس الحكمة، كان وراها علي طول اجراءات اقتصادية جديدة لتحرير سعر الصرف بشكل مرن، ودي كانت اهم خطوة في اجراءات الاصلاح الإقتصادي في الفترة الرئاسية الجديدة واللي كانت معاها نهاية وجود حاجة اسمها السوق السودا في التجارة بالعملة في مصر.
المشروعات السياحية الجديدة واللي الدولة طرحتها للاستثمار السياحي في راس الحكمة هدفها في الأساس اقامة مشروعات سياحية جديدة في المناطق دي، وطبعا المشروعات دي بتستهدف استقطاب طائفة معينة من السياحية العالمية واللي طبعا مع وصولهم لمصر هيكون متوفر لهم خدمات سياحية وهتوفر وظائف للايدي العاملة المصري وطبعا السائحين دول بيحتاجهو خدمات مرافقة من وسائل نقل وانتقالات وخدمات تانية اللي بيحتاجها اي سائح لما يزور اي دولة وهنا مصر هتستقبل نوع جديد من السياحية وكمان هتزود عدد السائحين اللي بيجوا عندنا وكمان متوقع أن الدولة تحقق الرقم المستهدف في 2028 بالوصول الي 30 مليون سائح وحاليا الاهداف مختلفة والطموحات مختلفة تماما وقطاع السياحية باصص علي ارقام اعلي من كده بكتير، خصوصا أن الدولة حاليا بتكرر تجربة دول كتير حول العالم واللي اخذت من السياحة قاطرة للنهوض الاقتصادي زي إسبانيا مثلا خصوصا أن السياحة حاليا هي القاطرة الاولي للدخل الأجنبي لمصر، بالأضافة الي الايرادات الأجنبية اللي بتدخل لمصر من قناة السويس والعاملين المصريين بالخارج، وده جاي ضمن خطة الحكومة لتنويع مصادر الدخل الأجنبي لمصر من كل المجالات.