هي اليابان بتعمل ايه في مصر وايه سر هجرة المصانع اليابانية الكبيرة للسوق المصري وايه اللي بيحصل في ملف التصنيع دلوقتي وازاي مصر هتبقي قوة صناعية كبيرة في المنطقة.ظ كل ده هنعرفه مع حضراتكم في الفيديو ده خليكم معانا للآخر.
مصر هتكون مركز عالمي للتصنيع.. دا على فكرة مش كلامنا لكن كي كانت تصريحات من مديري شركتين من أكبر الشركات اليابانية وهما يازاكي وسوميتومو خلال حفل وضع حجر الأساس لمصنع يازاكي في مصر والناس دي مش بتقول كلام وخلاص لكن دايما بيتعاملوا بالارقام والحقائق وفسروا كلامهم إن مصر هتكون مركز للتصنيع أن السوق المصري من أفضل الأسواق الناشئة دلوقتي وفيه ميزان تنافسية ضخمة جدا زي العمالة المدربة الرخيصة وانخفاض سعر صرف الجنيه ومميزات الرخصة الذهبية وتسهيلات الاستثمار الكبيرة اللي أقرتها الحكومة المصرية بجانب موقع مصر الجغرافي اللي بيغري اي شركة عالمية تيجي تشتغل في مصر لقربها من كل الأسواق في أوروبا وأفريقيا وغرب آسيا بجانب البنية التحتية القوية والحديثة اللي اتعملت في عهد الرئيس السيسي..
طيب يازاكي وسوميتومو دول شغالين في ايه؟
شوف ياسيدي دول بيعتبروا من أكبر شركات تصنيع السيارات في اليابان واللي اتعهدوا بضخ استثمارات ضخمة في مصر الفترة الجاية لتحويل مصر لقوة صناعية في قطاع السيارات ودا بعد حصول الشركتين على الرخصة الدهبية للاستثمار من الحكومة المصرية واللي اتعملت مخصوص لتنشيط الاستثمار في مصر.
وعشان نعرف حكاية الرخصة الدهبية فهي ببساطة عملية موافقة واحدة مبسطة بتسمح للشركات بإنشاء وتشغيل وإدارة المشاريع دون الحاجة إلى تصاريح متعددة ودي كانت بتعليمات من الرئيس السيسي لتبسيط الاجراءات والقضاء على الروتين والتعقيدات اللي كانت تطفش المستثمرين ولو فاكرين دا حصل بعد إشراف الرئيس السيسي شخصيا على ملف الاستثمار.
طيب ايه حكاية مشروع يازاكي في الفيوم؟
شوف حضرتك يازاكي واللي بتعتبر المورد العالمي الرائد لقطع غيار السيارات بدأت بالفعل في بناء مصنع بقيمة 33 مليون دولار في المنطقة الحرة للاستثمار بالفيوم كدفعة أولية ودا اول مشروع يبقي ملكية كاملة للأجانب ودا بداية تحول مصر لقوة صناعية والمصنع هيبدأ تشغيله في يوليو 2024 وهينتج الضفائر الكهربائية للسيارات للتصدير إلى الأسواق الأوروبية والإفريقية مع صادرات سنوية متوقعة بقيمة 100 مليون يورو.
رئيس شركة يازاكي مصر زي ماقلنا شرح أسباب بناء الشركة اليابانية للمصنع في مصر بسبب البنية التحتية الحديثة في مصر وشبكة الخدمات اللوجستية التنافسية والتكنولوجيا المبتكرة للمصنع وإمكاناته في خلق 3500 فرصة عمل مباشرة وغير مباشرة، مما يجعله حجر الزاوية في رؤية مصر 2030 للتنمية المستدامة.
يازاكي دخلت مصر بعد الانطلاقة القوية لشركة سوميتومو إليكتريك في مصر واللي أنشأت مصنع جديد ليها في مصر واللي بيعتبر واحد من أكبر المصانع على مستوى العالم لتصنيع حزم الأسلاك الكهربائي وبلغت تكلفته 22 مليون دولار أمريكي في مدينة العاشر من رمضان، ويمتد على مساحة 150 ألف متر مربع ويدمج خطوط إنتاج متطورة وأكاديمية تدريب ومركزًا للبحث والتطوي وشغال كمان بالطاقة الشمسية يعني مش بيتسهلك كهربا من المحطات اللي بتشتغل بالوقود