يا ترى ايه اللى حصل خلا أمريكا تغيرموقفها وتعلن عن ارسال مساعدات لمصر بقيمة مليار و300 مليون دولار؟ وليه قادر أوروبا كلهم نظرتهم اتغيرت لقيمة ومكانة مصر ؟ وازاى الاتحاد الاوربي وافق على دعم مصر بحوالى 8 مليار يورو؟
فى الساعات الأخيرة وزارة الخارجية الأمريكية أعلنت ان إدارة الرئيس الأمريكي جو بايدن أخطرت الكونغرس انها هتقدم لمصر مساعدات عسكرية بقيمة 1.3 مليار دولار… ووفقا للمعلومات اللى تم نشرها فمن بين 1.3 مليار دولار من التمويل العسكري الأجنبي الأمريكي المخصص لمصر بيخضع مبلغ قدره 320 مليون دولار لشروط اتسببت في حجب جزء من المبلغ ده السنين اللى فاتت لكن الادارة الأمريكية تنازلت عن الشروطديوهتبعت كل الفلوس المتفق عليها مع الحكومة المصرية
طب ايه اللى خلا الأمريكان يتخلوا عن شروط تمويل مصر؟
تقدر تقول كده ان مصر كسبت الرهان والرئيس السيسي عرف يأكد للعالمكله ولأكبر دولة فى العالم ان مصر أهمدولة فى منطقة الشرق الأوسطولايمكن أبدا الاستغناء عنها لضمان استقرار المنطقة وده حصلمن أول يوم لأحداث 7اكتوبر وازاى مصرلعبت دور الوسيط النزيه وحاولت بكل الطرق تهدئة الأوضاع ومنع التصعيد خوفا من اندلاع حرب اقليمية امريكا وحفائها كانوا أكتر ناسهيكتوا بنارها والادارة الأمريكية أدركت ده بنفسها على الأرض لما مصر لعبت الدور الأبرزفى صفقة تبادل الأسرى بين اسرائيل وفلسطين وكمان فى حجم المساعدات الضخم اللى قدمته القاهرة لأهلنا فى القطاع واستضافتها ورعابيتها الكاملة لمفاوضات وقف اطلاق النار وكمان اتصالات الدبلوماسية اللى أعلى أعلى مستوى للوصول الى حلول ترضى جميع الأطراف.
طب ايه علاقة اللى بيحصل بالاقتصاد ؟
بص يا سيدي المصالح العالمية حاليا بقت متشابكة بشكل ميخلكش تقدر تفصل السياسة ابدا عن الاقتصاد وكلنا شفنا فى الصراع بين روسيا وامريكا والغرب ازاى الولايات المتحدة استخدمت الدولاركسلاح فى صراعها مع الروس وكمان ازاى استولت على مليارات الدولارات وجمدت أصول وحذفت موسكو من النظام المالى العالمي.. وعندنا فى الشرق الأوسط ومع الأزمات المالية العالمية كل الدول سواء أمريكااو اوروبا بيحاولوا يدعموا الاقتصاد المصري ويمنعوا دخوله فى أزمات لأن استقرار الوضع الاقتصاديهينعكسبقوة على دورمصرالسياسىفى المنطقة
طب وده يخلى الاتحاد الاوربي يمول مصر بحوالى 8 مليار يورو؟
بص يا سيدي الاتحاد الأوروبي ومصر وقعوا في يونيو اللى فات اتفاق مهم هيستثمر منخلاله الاتحاد الأوروبي مبلغ يصل إلى مليار يورو في مصر كجزء من شراكة استراتيجية بين القاهرة ودول الاتحاد ..والتمويل ده تقدر كده تعتبره الدفعة الأولى من حزمة أكبر بقيمة 7,4 مليار يورو، أعلنت عنها رئيسة المفوضية الأوروبية في مارس اللى فات فى اطار رفع مستوى الشراكة بين مصر والاتحاد الى مستوى الشراكة الاستراتيجية.