المدارس على الأبواب، ومع دخول الموسم كتير من أولياء الأمور بيحاولوا يدبروا فلوس عشان يشتروا السبلايز أو الأدوات المدرسية، طب الأسعار دلوقتي شكلها إيه.. لو عايز تعرف تابع الفيديو للآخر.
وزارة التموين كعادة كل سنة، افتتحت معرض “أهلا مدارس”، واللي بيقام في القاهرة في أرض المعارض بمدينة نصر، وطبعا هدف المعرش ده توفير المستلزمات المدرسية بأسعار مخفضة، وده بيخفف العبء المالي على أولياء الأمور مع اقتراب العام الدراسي الجديد.
طب أسعار المستلزمات المدرسية كام دلوقتي في المعرض؟
بص يا سيدي، المعرض بيقدم تخفيضات بتوصل ل 30% على مجموعة كبيرة من المستلزمات المدرسية، بما فيها الملابس المدرسية، الأحذية، الشنط المدرسية، الأدوات المكتبية، وكمان الأجهزة الإلكترونية، والتخفيضات دي عشان تخفف على أولياء الأمور.
ومعارض أهلا مدارس مش بتتواجد في القاهرة بس لأ ده في كل محافظات الجمهورية، لأنها بتعكس شراكة حقيقية بين الحكومة والقطاع الخاص لصالح المواطن، وبتيجي ضمن توجيهات الرئيس عبد الفتاح السيسي بضرورة استمرار إقام هذه المعارض لتقديم المنتجات والسلع بأسعار مخفضة على مستوى الجمهورية، لأنها بالتأكيد لها دور كبير في تخفيف العبء عن كاهل الأسر المصرية.
ودلوقتي، بيشارك في المعرض حوالي 200 عارض، وبيقام على مساحة 6000 متر مربع، وبيشمل المعرض أقسام متنوعة عشان تلبي احتياجات الطلاب من مختلف المراحل التعليمية، ومش بس كده لأ ده كمان في قسم خاص بالسلع الغذائية بأسعار مخفضة.
كمان المعرض بيشهد مشاركة الهيئة القومية للبريد، وشركات المحمول، وشركات الحلول المالية، وكل ده بيضيف قيمة إضافية للزوار، كمان تم تخصيص جناح كبير للشركة القابضة للصناعات الغذائية، وده بيتيح للمواطنين شراء السلع الغذائية بأسعار مخفضة.
ولو حضرتك ماتعرفش، فمعرض “أهلا مدارس” بيعتبر فرصة ممتازة للأسر المصرية عشان تشتري المستلزمات المدرسية بأسعار معقولة، وده بيساهم في تخفيف العبء المالي عنهم وبيضمن تجهيز الطلاب للعام الدراسي الجديد بشكل جيد، وكمان بيعتبر شراكة حقيقية بين الحكومة والقطاع الخاص لصالح أولياء الأمور.
وفي محافظة القاهرة، شهد معرض اهلا مدارس، إقبال كبير من المواطنين، وده بعد يومين بس من افتتاحه رسميا، ومفترض انه يستمر لحد يوم 20 سبتمبر الحالي، وبيستقبل الجمهور يوميا من الساعة 11 صباحاً حتى 10 مساء.
وكان الدكتور شريف فاروق وزير التموين والتجارة الداخلية، افتتح نيابة عن الدكتور مصطفى مدبولي رئيس مجلس الوزراء، يوم الخميس اللي فتت، معرض أهلا مدارس 2024 الرئيسى بصالة جهاز تنمية المشروعات المتوسطة والصغيرة بأرض المعارض بمدينة نصر، عشان يوفر العارضين المستلزمات المدرسية بأسعار أقل من الأسواق الأخرى تصل إلى 30%.