طبعا كلنا متابعين الاسعار بتاعة الذهب اللي كل يوم بترفع عن اليوم اللي قبله، والغريب ان محدش عارف اية السبب الاساسي في الارتفاع ده.. خصوصا ان اسعار الدولار تعتبر مستقرة والزيادة فيها بتكون قليلة جدا.. لو عايز تعرف اية هيا الاسباب الحقيقة لارتفاع اسعار الذهب يبقي الفيديو ده ليك
اسعار الذهب كل يوم في زيادة جديدة وفي يوم سعر غير التاني، وفي الأسبوع اللي فات، كل اعيرة الذهب المتداولة سجلت ارتفاعات بحوالي 4.5%، وفي مطالب من شعبة الذهب بضرورة فتح باب استيراد الذهب مرة تانية مع المصريين العائدين في الخارج بدون جمارك.
سعر الذهب في مصر علي مدار الأسبوع اللي فات شهد ارتفاعات كبيرة وارتفع من 3350 جنيه للجرام ووصل لـ 3400 جنيه وحاليا داخل علي 3500 جنيه للجرام عيار 21 واللي معروف عنه انه اكثر تداول وبيع في الاسواق المصرية .
طيب اية هيا اسباب الارتفاعات الي بتحصل دي في سوق الذهب؟.
التوترات في عملية تسعير الذهب المحلي في مصر بدأت مع ارتفاع سعر صرف الدولار في البنوك الرسمية وتسجيله لأعلى مستوى من بداية تعويم سعر الصرف في مارس اللي فات لحد ما استقر فوق المستوى عند 49 جنيه لكل دولار.
وعلشان نكون عارفين أن الرئيسي وراء كل ده هو خروج استثمارات من أسواق السندات الحكومية واللي اتجهت لأسواق السندات الحكومية الأمريكية مرتفعة التصنيف الائتماني، وده تسبب في ضغط على الدولار في الأسواق وأدي لارتفاع سعر الصرف وبالتالي اضطراب في حركة تسعير الذهب المحلي.
طيب اية هيا مطالب شعبة الذهب لعودة اتزان الاسعار مرة تانية؟.
شعبة الذهب بتطالب حاليا بإعادة تطبيق مبادرة إعفاء الذهب من الجمارك واللي ساهمت بشكل كبير في تحقيق استقرار في سوق الذهب وتحقيق توازن بين العرض والطلب، وساهمت المبادرة في دخول حوالي 4 طن من الذهب مع المصريين اللي راجعين من الخارج وده ساعد على تحقيق الاستقرار في أسعار الذهب.
طيب اية هيا معدلات خروج الاموال الساخنة من مصر؟.
رئيس الوزراء الدكتور مصطفي مدبولي أعلن أن الأموال الساخنة التي خرجت من مصر في الأيام الأخيرة وفي فترة اضطرابات الأسواق المالية العالمية وصلت لـ 8% فقط من إجمالي الأموال اللي دخلت مصر بعد تحرير سعر الصرف في مارس اللي فات.
رئيس الوزراء قال كمان أن الأموال اللي خرجت من الأسواق المصرية كانت على سعر صرف مرتفع وده أدي لحدوث بعض التوازن وعدم تأثر سعر صرف الدولار بشكل كبير، ووصلت استثمارات الأجانب في السندات وأدوات الدين المصرية لأكثر من 34 مليار دولار بنهاية ابريل اللي فات، وتراجع العجز الكلي لميزانية مصر في السنة المالية 2023 – 2024 ووصل لـ 3.6% من الناتج المحلي الإجمالي خصوصا بعد الدعم الكبير اللي حصل للاقتصاد المصري من توقيع عقود الاستثمار السياحي في راس الحكمة خوصا ان العجز في الميزانية في السنة المالية اللي فاتت وصل لـ 6%.
طيب اية توقعات الذهب في مصر الايام اللي جاية؟.
كل التوقعات بتقول أن اسعار الذهب في مصر مكملة ارتفاع بسبب تاثرها بالأحداث العالمية، والمتوقع أن سعر الذهب يوصل لـ3500 جنيه لعيار 21.